A Rede Galega de Educación e Desenvolvemento do Rural (REDE DO RURAL) inaugurou a súa páxina web.
A REDE DO RURAL xorde como reacción ante a situación de xeral desfeita que sofre o mundo rural. Constitúese esta Rede, con vocación de funcionamento asembleario, dentro dunha conformación de pluralidade e coincidindo na inquedanza común de preservar e desenvolver o rural galego. Unha comunidade diversa de persoas, colectivos, organizacións e entidades vencelladas polo fío transversal da defensa dun medio rural desenvolvido desde a sostibilidade ecosistémica como garante da sostibilidade socioeconómica.
Entre os seus eixos atópase o de promover un Anteproxecto do Plan de Educación Específico para o Rural Galego.
Nesta nova web podedes encontrar artigos e publicacións relacionados coa Educación Rural entre outras novas que poden ser do voso interese, como o artigo do noso amigo e compañeiro o Prof. Antón Costa, "AÍNDA NON RAIABA O DÍA Educación e sociedade galega nun tempo grisallado (1961-1977)"
Boa lectura.
Web REDE DO RURAL
Enlace artigo