Santiago utopía
Nun mundo cheo de desafíos, queremos romper coa rutina dos problemas e futuros escuros. É hora de atreverse a soñar e construír alternativas, utopías compartidas, desexables, igualitarias, xustas e sostibles.
Novas de interese
Grupo de Investigación SEPA
Curso de formación en revisións sistemáticas na Universidad Veracruzana
Os días 21 e 22 de febreiro o noso compañeiro Antonio García Vinuesa impartiu como convidado un curso de formación no Instituto de Investigaciones en Educación da Universidad Veracruzana.
Educadoras referentes do pasado e do presente
Unha mostra elaborada por alumnado da materia Teoría e Historia da Educación Escolar recupera para a actualidade en Formación do Profesorado a biografía, así como a pegada e o labor pedagóxico desenvolvido por de preto de medio centenar de mestras e profesoras de distintos lugares do mundo
Actividades formativas na Universidade Federal do Paraná (Brasil)
O noso compañeiro Kylyan Marc Bisquert i Pérez ofrecerá diversas actividades formativas e de transferencia durante a súa estadía como profesor visitante no Centro de Educação Ambiental e Preservação do Patrimônio (CEAPP) da Universidade Federal do Paraná (UFPR), en Curitiba (Brasil), por invitación da profesora Marília Andrade Torales Campos, profesora de dita universidade e directora do centro.
[In memoriam] Profesora Dra. María Lucía Iglesias da Cunha
[Artigo de José Antonio Caride e Antón Costa Rico que abre o nº 27 da revista Sarmiento]
Profesora Dra. María Lucía Iglesias da Cunha
(Sao Paulo,1965 - Santiago de Compostela, 2023)
O 27 de novembro de 2023, ultimando a edición do número 27 de Sarmiento. Revista galego- portuguesa de Historia da Educación, tendo como tema monográfico as “historias da Educación Social no espazo iberoamericano”, coñecíamos o pasamento da profesora Lucía Iglesias da Cunha. A súa esperanzada e, ao tempo, persistente loita contra o cancro non conseguiu superar as adversidades da enfermidade, deixándonos orfos da súa pre- senza amable e amigable entre nós.
Publicado un libro pioneiro para as aulas hospitalarias
Yésica Teijeiro, compañeira do grupo SEPA-interea, publicou xunto a Jesús Rodríguez unha obra de referencia internacional que engloba diferentes materiais e propostas didácticas
Reproducimos a información sobre a obra publicada no xornal El Progreso:
V Congreso Internacional de Lideranza e Melloría da Educación
De 27 a 29 de maio de 2024, terá lugar na Facultade de Psicoloxía e de Ciencias da Educación da Universidade do Porto (Portugal) o V CILME 2024.
Este Congreso, que decorre da Rede de Investigaçión em Lideranza e Melloría da Educaçión (RILME), en 2024 é organizado pola Comunidade Práctica de Investigación Currículo, Avaliación, Formación e Tecnologías digitais em Educación (CAFTe), do Centro de Investigación e Intervención Educativas (CIIE) da Universidade do Porto, e conta coa colaboración da Asociación Nacional de Directores de Agrupamentos e Escolas Públicas (ANDAEP) e da Asociación Nacional de Dirixentes Escolares (ANDE).
Nº 27 da revista Sarmiento: "Historias da Educación Social no contexto iberoamericano"
O número 27 de Sarmiento (coordenado por José Antonio Caride Gómez, do grupo SEPA-interea) acolle, na súa parte monográfica, unha ampla representación do quefacer científico, académico e profesional da Educación Social no espazo iberoamericano. Os seus textos, habitados pola diversidade inherente ás realidades educativas e sociais nas que se insiren as súas autoras e autores, están alentados por un afán -un ethos en definitiva-, común: dar testemuño dun pasado-presente no que a educación social, implícita ou explicitamente, ten evidenciado o seu firme compromiso coa procura dunha sociedade mais xusta, equitativa e convivencial. Queda reflectido nas historias que se relatan nas páxinas que seguen, afirmando e reivindicando o importante labor da comunidade universitaria e dos colectivos profesionais, así como do seu necesario empoderamento como educadores ou pedagogos sociais.
O volume abre co texto "In memoriam de Lucía Iglesias da Cunha, recoñecendo e lembrando para sempre o seu quefacer científico, académico e humano a prol da Educación Social en Galicia".
O número completo pode ser consultado nesta ligazón