Novas de interese

Grupo de Investigación SEPA

No último boletín interno de Nova Escola Galega (nº 59-4) o noso compañeiro o Prof. Fran Candia escribiu un artigo sobre a homenaxe ao profesor , e tamén compañeiro do grupo SEPA-interea, Antón Costa Rico. A continuación deixámosvos como aperitivo un estrato do texto co desexo de que vos animedes a ler este novo boletín interno de NEG e á súa Revista Galega de Educación.

O grupo SEPA-interea no VII Congreso Internacional de Educacição Ambiental dos Países e Comunidades de Lingua Portuguesa e Galiza

Mozambique acolleu na semana do 4 ao 7 de xullo o VII Congreso Internacional de Educação Ambiental dos Países e Comunidades de Lingua Portuguesa e Galiza (http://www.ealusofono.org/), no que o equipo de investigación SEPA-interea, a través do Proxecto Resclima e da súa pertenza á Rede Lusófona de Educação Ambiental (RedeLuso), tivo unha presenza notable, con contribucións ao programa en varias seccións do mesmo. Este congreso ten lugar bienalmente desde a celebración do primeiro en Compostela no ano 2007, da man organizadora do CEIDA, a Universidade de Santiago de Compostela e a Universidade da Coruña. Este evento convoca a institucións e colectivos sociais dos países de lingua portuguesa -Angola, Brasil, Cabo Verde, Guinea Bissau, Mozambique, Portugal, Santo Tomé e Príncipe, Timor Leste- e Galicia para compartir e impulsar as súas iniciativas no campo da Educación Ambiental. A participación combina a presenza de axentes institucionais ligados aos Ministerios, Secretarías e/ou Consellerías de Medio Ambiente e Educación dos países participantes, de organizacións non gobernamentais ligadas á conservación da natureza e ao ecoloxismo, así como a universidades e organismos de investigación activas no campo da Educación Ambiental. O lema desta edición foi “A Educação Ambiental a chave para a sustentabilidade”, convocando o evento a máis de cincocentas persoas.

O grupo SEPA-interea participante, ademais de formar parte da Comisión Científica do Congreso Internacional, presentou seis comunicacións, participou nun panel do programa e ofreceu un minicurso. Cabe destacar a contribución de Pablo Meira no panel sobre Educaçao Ambiental perante os limites planetários e os desafios globais, na que puido advertir “Sobre os límites como tabú no campo da Educación Ambiental” e colocar o desafío de pensar unha educación ambiental para o decrecemento sustentable. No bloque de comunicacións concentráronse a maioría no Eixo temático 2 do congreso -«Educación Ambiental e Cidadanía»- con contribucións sobre “O movemento Fridays for Future en Galicia. Determinantes do seu apoxeo e decaemento” (María Barba Núñez -ECIGAL. Universidade da Coruña-, Lucía Iglesias da Cunha, Pablo Meira e Miguel Pardellas), “Explorando futuros sostibles. Unha experiencia educativa interxeracional sobre emerxencia climática” (Lucía Iglesias, Pablo Meira e Miguel Pardellas), “Onde acceden os estudantes galegos de educación secundaria á información sobre a emerxencia climática?” (Antonio García-Vinuesa e Pablo Meira), “A dimensión socioeducativa da Agroecoloxía: achegas das iniciativas agroecolóxicas para a Educación Ambiental dende a ecocidadanía e a cultura da sustentabilidade” (Kylyan Bisquert) e “Estratexias de formación e participación da mocidade na loita contra o cambio climático: caso ASPEA (Joaquim Ramos Pinto -ASPEA- e Germán Vargas -USC-). Tendo ademais unha contribución no Eixo temático 3 -«Educação Ambiental, Limites Planetários e Desafios Globais»- co traballo “Afrontar a emerxencia climática: Unha experiencia de investigación-acción na educación secundaria” (Germán Vargas e Carmen Morán). A estas presentacións sumouse a organización dun Minicurso sobre «Descolonización e diálogo de saberes en Educación Ambiental», impartido por Germán Vargas Callejas.

O grupo de investigación SEPA-interea está fortemente implicado desde os inicios desta proposta congresual na dinamización da Rede Lusófona de Educação Ambiental (RedeLuso), que lle dá soporte e identidade (https://redeluso.blogspot.com/). Neste momento avanza un paso máis e vincula a dous dos seus membros (Kylyan Marc Bisquert i Pérez -Coordinador da Comisión Científica da presente edición- e Lucía Iglesias da Cunha) como representantes de Galicia na coordinación da rede, para promover e intensificar a colaboración cos axentes da Educación Ambiental que actúan nas comunidades de lingua portuguesa, impulsando iniciativas encamiñadas a instituír políticas públicas de Educación Ambiental adaptadas ás particularidades e necesidades dos diferentes contextos para atender as emerxencias socio-ambientais que enfronta a humanidade. O próximo congreso da RedeLuso terá lugar en Brasil no ano 2025.

 

 

Congresistas galegas no VII Congreso Internacional dos Países de Lingua Portuguesa e Galicia, Maputo, 2023. De esquerda a dereita: Arriba, Marilia Torales, Lucía Iglesias, Germán Vargas, Carmen Morán, Eva López, Kylyan Bisquert. Abaixo, Sonia López, Pablo Meira.

O pasado venres 30 de xuño presentouse en Canarias a película Cinema Climantopia como un dos produtos do proxecto Erasmus+ EduCinema Clima TourAction. Foi no Museo Elder nas Palmas de Gran Canaria onde levouse a cabo a última reunión deste consorcio no que participaron tres universidades e tres centros de educación secundaria de España, Italia, Polonia e Portugal. Entre as universidades participantes, na Universidade de Santiago de Compostela, o grupo de investigación SEPA-interea, coordinado polo Prof. José Antonio Caride, foi o que liderou o proxecto que remata este ano cunha serie de recursos dixitais para trabalhar nas aulas contidos relacionados coa emerxencia climática e accións para afrontala.

Podedes acceder a máis información sobre o evento no Xornal da USC

Integrantes da última reunión do proxecto EduCinema Clima TourAction.

 

O vindeiro venres, 26 de maio, ás 12:30 horas, na Sede do Museo Pedagóxico de Galicia, rúa de San Lázaro, 107, Santiago de Compostela, terá lugar a exposición "EDUCACIÓN, XÉNERO E LECTURA" (Conformar, Reformar, Transformar), da que son Comisariada e Comisariado a Prof. Dra. Rita Gradaílle Pernas e o Prof. Dr. Antón Costa Rico.

A exposición pretende introducir ás e aos visitantes nun escenario de discriminacións e de estereotipos, pero tamén de dinámicas, de procesos de loita e de conquistas transformadoras, a través dun itinerario visual que recorre un cinxunto de 16 mesas expositorias con libros e recursos escolares, obxectos significativos, fotografías históricas, cartelística e imaxes, información escrita e... unha invitación á esperanza contrutiva.

El próximo miércoles 29 de marzo, nuestro compañero Antonio García Vinuesa impartirá una conferencia en la Facultad de Educación de la Universitat de les Illes Balears para difundir los resultados del último estudio del proyecto Resclima (RTI2018-094074-B-I00 (RESCLIMA-EDU2)). En particular expondrá los resultados de los estudiantes de Educación Secundaria Obligatoria de las Islas Baleares. El estudio pretendía explorar la representación social del cambio climático en la población estudiantil española de 1º y 4º de la ESO.

La actividad está organizada por la Comisión de Igualdad y Sostenibilidad de la Facultad de Educación de la Universitat de les Illes Balears.

Los resultados preliminares del estudio completo pueden consultarse en el siguiente enlace:

García-Vinuesa, A., Meira-Cartea, P. Á., Gutiérrez-Pérez, J., & Iglesias, M. L. (2023, March 9). Resclima-Edu2. Educación para el cambio climático en educación secundaria: investigación aplicada sobre representaciones y estrategias pedagógicas en la transición ecológica. https://doi.org/10.17605/OSF.IO/JB6ET